بس الله الرحمن الرحيم
خطة الاستراتيجية الكاملة: للاخ ( خالد احمد ) #للافاده
بدأت فى مجال cpa بعد ايفينت قمة الافيليت العربى الى فات وتقريبا مكنتش بنام من ساعتها وسمعت كورسات كتير فى cpa وبعدين بدأت اشتغل على العروض زى ما قال سيمولايف كل يوم اشتغل على عرض وكان بيجيلى نقرات بس مفيش تحويلات وبدأت اكتشف اخطاء ان لينك الافيليت بايظ او الشركة نفسها مش بتحسب التحويلات او اللاندينج بيدج مش مناسبة او الاعلان نفسه مش جذاب او مكان الاعلان غلط وفضلت على الحال ده لحد ما خسرت اكتر من 50 دولار وكنت بدأت افكر انى اترك المجال بس رجعت تانى وعصرت دماغى جامد وجبت ورقة وقلم وبدأت اضع خطوات منظمه اقدر امشى عليها وهى دى الخطه الى هتكلم فيها يعنى اى شخص مبتدأ يقدر ينفذها ويكسب اول دولار وبالمناسبة الخطه مش موجهه للناس المحترفين والى بتكسب كويس والمقدمه الطويله دى كتبتها علشان اقول لكل واحد لسه بيخسر وحاسس بالاحباط لسه فى امل ولازم تصدق انك ممكن تكسب وتعمل فلوس كويسه.
فى البداية عايز اقول ان طريقة سيمو لايف واحمد الغانم وغيره وكل الى شغالين فى المجال هى مجرد افكار تقبل التغير يعنى دايما بنفكر ونقول احنا لازم نشترك فى الشركة دى علشان فيها عروض كويسه او علشان الشركة دى مشهورة وده انا بعتبره غلط ولازم تعرف ان كل الشركات تقدر تدخلها
1- واول خطوة عملتها انى بدأت افكر بره الصندوق يعنى بدور على العرض الكويس الاول واشوف هو موجود فى اى شركة وبعدين اروح اسجل فيها.
طب ازاى تختار عرض كويس : هتدخل على 3 مواقع دول وتبدأ تدور فيهم على عروض Email submit -zip submitالى هى ادخال الايميل او كود الدولة او عروض التسجيل.
طيب انا عايز اشوف العروض المميزه والسهله : لما تدخل على اى موقع فى 3 اختار من تصفية البحث عروض cpc وابدأ دور وشوف كل عرض لحد ما تلاقى العرض الى يناسبك وشوف هو موجود فى اى شركة وروح سجل فيها ومش لازم يعنى تختار عرض من كليك ديلر او بير فلاى..عندك اكتر من 1000 شركة.
المواقع:
2- تانى خطوة وهى عمل اللاندينج بيدج (وهى الصفحة الوسيطه ما بين العرض والاعلان) ودى مشكله عند ناس كتير علشان مبتعرفش تصمم او مبتفهمش فى الاكواد وده غير ان التعديل على صفحات اللاندينج بيدج بياخد ساعات فى الصفحة الواحدة وفى صفحات مش بتبقى متوافقه مع الموبايل ولو حد متابع سيمو لايف هيعرف انه عامل برنامج لصناعة اللاندينج بيدج فى دقائق وبسعر 360 دولار فى السنه... فمش عايزك تقلق انا جيبتلك موقع عالمى بيصمم لاندينج بيدج فى دقائق زى برنامج سيمو لايف واحسن منه كمان ومش هتحتاج استضافة علشان ترفع عليها اللاندينج بيدج لانك بتعملها وتربطها بأسم الموقع فى ثوانى وهشرحلكم الموقع اكتر فى الفيديو العملى الى هتشفوه وبكده نكون انتهينا من النقطه دى, ملحوظه (نسيت اوضح نقطه ازاى تخلى االصفحه متوافقه مع الموبايل فهتلاقى علامة الموبايل فوق بجانب الديسك توب ... بعد ما تعدل على الصفحه اختار شكل الموبايل الموجود فوق واعمل نشر وهيديك لينك الصفحة).
الموقع: www.wix.com
3- تالت خطوة برنامج التراكينج الى من خلاله تقدر تعرف اكتر صفحة هبوط بتجيب تحويلات و كل بيانات الاشخاص وانا عن نفسى بستخدم بروسبر 202 وشايفه كويس ولازم علشان تشتغل على برنامج الرتاكينج تكون مسطبه على الاستضافة وسيمو لايف كان شارح بروسبر بالتفصيل فمش هتكلم عنه.
4- رابع خطوة وهى إنشاء الاعلان وانا بشتغل على الاعلانات بالنقرة واعلنت فى مواقع كتير ولقيت افضل شركة اعلانية هى الفيس بوك....طيب دايما بنشوف ناس بتنزل نتايج حملات اعلانية خرافية وتلاقيهم جايبين 100الف ريتش و10الاف تفاعل وكل ده بواحد دولار بس طب ازاى...علشان تقدر توصل لتفاعل كبير بأقل سعر ده بيعتمد على الاستهداف والاهتمامات وهشرح الموضوع ده عملى فى الفيديو.
5- خامس نقطه وهى اهم نقطه لنجاح الحملة وهى الابداع ثم الابداع ثم الابداع وهى انك لازم تعمل فى اليوم مش اقل من 7 حملات اعلانية لنفس العرض برساله اعلانية مختلفه وصورة مختلفه والاعلان يكون جذاب وبعدين نحذف الاعلانات الى بتجيب تفاعل قليل او مش بتجيب تحويلات.
وفى النهاية فى انتظار اسئلتكم...واحب اقول تانى ان الشرح ده مش للناس المحترفين ويارب اكون قدرت افيدكم
لينك الفيديو العملى : https://youtu.be/uyEndjJS3lY
________________--
افضل طريقه للربح من ال cpa
cpa 2016
الاستراتيجه الكامله
الربح من السى بى ايه
الربح من cpa
حقق اول دولاراتك من ال cpa
